Krabat (Intamu)

krabat 2

El molin de Koselbruch

Fhoi ente Annu Nuevu & Reyes. Krabat, un rapaz de catorze annos, axhunctàra fhuerçes con outros dous mèndigos wendos, & magar que La Sua Illustre Gracia, L Eleitor de Saxonia, prohibiera mendigar & vagabundar nel sou alfhoz so pena, (pero los xhuezes & outros funccionarios afortunadamente nun lu tomàran abondo da serio), martschaben de lhugar en lhugar cumo Reyes Magos pel territorio de Hoyerswerda: corones de paya en riba les gorres yeren les corones reales; & unu d’ente eilhos, el gayoleiru Lobosch de Maukendorf, fhazìa de Rey Mouru & intafharraba-se de sarrio toles manhanes. Lhevaba-yos con orgulhu la strelha de Bethlehem, que Krabat tsantàra n un palu, & al intrar n una quintana, mangarun a Lobosch en medio & cantaben: “Hosanna, fhiyu de David!” Krabat movìa los lhabios en silencio por stase-y camudando la voz, pero les outres altezes cantaben maîs fhuerte, equillibrando-se da nuevo.

Mũîtschos fhazendeiros coraben un gotschu pel Annu Nuevu, presentaben a los Reyes d’Oriente mũîtsches salsitsches & touccin. Ayures habìa maçanes, nuezes & nisos, da quando pan de miel & bolhos d’uncto, bizcueitschu d’anìs & strelhes de canela. “L annu començou bien”, dixo Lobosch na tarde l tercer dìe. “Esso ha continuar ta San Sylvestre!” Intòs les outres dues maxhestaes assentìen & suspiraben: “¡Por nòs outros, stamus en communha!”

La nueitsche lhôuego, passarun-la na frawa de Petershain, en celheiru, u Krabat tuvo essi raru suenhu per primer vez. Onze cuervos pousaben n un arrugu & miraben-lu. Vîu que habìa un spacio al cabu ezquierdu l arrugu. Intòs ascuîtschou una voz. La voz sonaba rouca, paecìa amiyar del aire, de lhuenhe, & appelhidaba-lu pol nome. Elhi nun ousaba arresponder. “Krabat!”, Glayaba una segunda vegada – & una terceira: “Krabat!” Intòs la voz dixo: “Ven pal molin de Schwarzkollmin, nun ti fhairà mal!” De pueis los cuervos devolarun del arrugu & reburdiarun: “Obedeç la voz del Maestru, obedeç-la!”

Krabat accordou d’esso. “Les couses todes xhunctes que unu suenha!” pensou, rodou pal outru cantu la cama & dormîu outra vez. El dìe de pueis fhoi colos sous companheiros, & quando los cuervos y vinierun a la mente, rîu, pero la nueitsche de pueis el suenhu fhoi repetìu. Maîs una vez la voz tsamou-lu pol nome, & da nuevo los cuervos grayaben: “Obedeç-la! Lo que y fhizo pensar a Krabat. El dìe de pueis, intrugou-y al pousadeiru u passara la nueitsche si elhi connocìa una vilha tsamada Schwarzkollm ou daquè que se y asemeyare.

“Schwarzkollm.”, Cavilou. “Sì, ho – na mata de Hoyerswerda na strada camin de Leippe: hai un vilharin, que ansì se tsama.”

La pròxima vez passarun la nueitsche los Très Reyes en Groß-Partwitz. Ende tamien Krabat sonhou con cuervos & la voz que paecìa salir del aire; & todo colou da fheitscho cumo colara la primer & la segunda vez. Intòs decidîu segi’ la voz. Pela manhana, quando los companheiros indagora dormìen, deixou l celheiru. A la puerta la pousada atopou cola sirvienta que diba a la fhonte. “Dà-yos recuerdos”, dixo, “Tuvi que martschar.”

De lhugar en lhugar, Krabat andaba intrugando-se, el cutu mangaba-y trapos de nieve na cara, a cada poucos passos habìa parar & insuga’ los weyos. Na mata de Hoyerswerda perdîu-se, vagarun-y dues hores inteires ta incontrar da nuevo Leippe, de modo que mal aportou a la sua meta ya bien de tarde. Schwarzkollm yera un vilhar cumo los outros vilhares de los urziales: cases & celheiros en lharga fhileira a intrambes veires de la caleya, con mũîtscha nieve; columnes de fhumo nos teitschos, piles de cuîtscho fhumegante, weis berrando. Nel pièlagu los curìos, la recielha patinaba glayando con mũîtschu barulhu.

Krabat andaba sin suerte a la geta por un molin. A un vieyu cargau con un borron de broza txubiendo pela caleya, perguntou-y:

“Nòs nun tenemus un molin nel lhugar”, arrespondîu.

“& na vezeirìa?”

El vieyu indicou col deu gordu per riba l costaçu. “En Koselbruch, a lo fhundeiro, cabo Les Awes Negres, hai un. Pero…” & calhou cumo si tuviere fhalado de maîs. Krabat agradecîu-y la informaçon & empuvinou la direcçon que l vieyu y indicara.

De pueis dalgunos passos, tirarun-y de la manga; Quando elhi entornou la vista, yera l home la broza:

“Que fhoi?”

El vieyu aveirou-se-y & dixo-y con sparaban anxiosu: “Quiero avisate, rapaz. Evita Koselbruch & el Molin de Les Awes Negres, nun hai nada bono ende.”

Krabat hesitou un momento, lhôuego deixou l vieyu & salîu impobinando al lhugar. Aina atapecîu, punxo precauçon pa nun se perder, cousa que lu acoraba. N entornando la cabeça, vîu lhuzes brilhando d’u venìa: una eiquì, una ende …

“ & nun serìa maîs sabio dar media vuelta?” “Oh, non,” reburdiou Krabat alçando la cabeça. “Sou un nennin pequennu? Nun cuesta nada dir mirar.”

Krabat ãpalpaba la mata cumo un ciegu na borrina, & intòs atopou-se con una clareira. Al preparase pa salir de so l viescu, abrierun-se les nubes, & la lhuna appaecîu, todo se banhou de smeno n lhuz frìo.

Agora Krabat vìa l molin, ende fhincaba n frente d’elhi, cobiertu de nieve, scuru, amenaçador, un animal poderosu & malu que aguaita la sua presa:

“Nun hai quien m’ande oblrigando a dir”, pensou Krabat. Intòs garrou una pata cuniyu, preparou-se & deixou les tinieblres de la mata pol abertal.

Con valor, fhoi ta l molin, atopou la puerta principal piestsada & picou, picou una vez, picou dues vezes: nun se movîu nada n drientro. Dal perru lhadrou, dala scaleira rintschou, dala tsave sonou – nada.

Krabat picou per tercer vez ta manca’ los nudielhos.

Todo tornou al silencio n molin. Lhuego probou a calcar pa baxo la maniya la puerta: fhoi a abri’ la puerta, nun staba trancada, introu n curredor.

Recibîu-lu un silencio sepulcral & en profunda scuridà. Na parte traseira, sì que ansì, al final del curridor, habìa daquè ansì cumo lhuz fheble. La candor d’una candor: “U haiga lhuz, habrà xhente”, dixo pante si Krabat. Con braços sporrìos, indagora tenìa palpitaçones. La lhuz caltriou, vîu-la aveirase-y, pente un wecu na puerta que torgaba l passu per tras.

Garrou & patuscando colou pel wecu & mirou per elhi.

La sua mirada diou n un quartu negru illuminau por una ùnica vela. La vela stava roxa. Staba apegada n una calaveira na mesa que occupaba l medio l quartu. Tras la mesa andaba sentau un home voluminosu, vestìu de negro, per-pàllidu de cara, cumo si andare cobiertu de cal; Un partsche negru cobrìa-y el sou weyu ezquierdu. En frente, na mesa, habìa un lhibru gordu de tapes de cueiro scolingau d’una cadena.

Agora alçaba la cabeça & mirou como si hubiere visto a Krabat pel wecu la puerta. La mirada atravesou al rapaz de la cannada a la pata.

Los weyos intamarun-y pruyir & a tsorar, la figura n quartu tornou-se borrosa, & Krabat arrefregou los weyos captando consigo cumo una mano xhelada se y pousaba n riba l costaçu dende tras, sentiendo l frìo pente la sua saya & camisa. Al en par ascuîtschou daquien con voz rouca dizir en wendo:

“Ende andes!”

Krabat respigou-se, connocîu la voz. Quando s’entornou, tenìa al home de lantre – l home col partsche n weyu.

Cumo tsigou eiquì de smeno? L home tenìa una vela na mano & sele weyou pa Krabat, lhôuego spurrîu l cazu pa lantre & dixo: “You sou l maestru eiquì, podìes se’ l miou apprehendiz, fhai-mi falta ùn, prestarìa-ti, acuei?” “Prestaba-mi, cierto”. La sua voz sonaba extranha, cumo si nun fhuere d’elhi.

“& que ye lo que you t’habrìa d’apprehender? El Moler, ou tamien tolo outro?” – quixho sabe’ l Maestru.

“L outro tamien”, dixo-y Krabat.

Intos el molineiru offrecîu-y la mano zurda.

“Dà-y!”

Nel aquel de dase les manos, hôubo un strueldu na casa, paecìa venir de les profundezes de la tierra. El suelu sutrumîu-se, las paredes començarun a cimblar, les viges & los postes arretemblarun. Krabat glayou, querìa scapar: lhuenhe, lhuenhe d’eiquì! -pero l Maestru torgou-y el camin. “El molin!” appelhidou, coles manos formando un imbudu. “¡Agora vuelve a moler!”

Onze & un maestru

El Maestru fhixzo senha que Krabat podìa venir. En sin dizir pallabra, diou-y lhuz al nennu per riba les cuestes scaleires de madeira ta l sobrau, u los molineiros tenìen el sou quartu dormir. A la lhuz la vela, Krabat reconnocîu un camastru con dolze piesinos con sacos de paya, sèis a una veira l curridor, sèis a la outra veira. Cabo cada unu, un almarin & una tayuela de madeira de picea, cobertores engurriados nos sacos de paya, delhes tayuelines mazapilades en curredor, camises & coxinos a los pies ende & aquende. Al paecer, los molineiros salieran curriendo de les cames, a trabayar, un sitiu solu pa dormir remanecìa n sin tocar, el Maestru indicou l fhatu roupa al cabu los pies. “Les tues couses!” Intòs virou & martschou cola lhuz, & Krabat quedou solu na scuridà & seliquino intamou quitase la roupa. En quitando l gorru de la cabeça, tocou la corona de paya cola puncta los dedos: “Oh, claro, precisamente a hieri fhueran los Reyes – que lhuenhe y quedaba aqueilho ya tras d’elhi.

El sobrau tamien se fhizo echo l streldu & el Solmenar del molin. Suerte pal rapaz que hôubo cayer de cansu. Mal eitschau nel sou sacu paya, ya quedou dormìu. Cumo un totschu dormìa, dormìa & dormìa – ta que un rayada de lhuz lu accordou. Krabat sentou-se & quedou xhelau, onze figures blranques pararun cabo la cama, mirando-lu a la lhuz d’un candil del celheiru: onze figures blranques con cares blranques & manos blranques. El rapaz preguntou anxiosamente:

“Quien soes ?” – intrugou l rapaz lherciosu.

“Lo que tu tamien seras aina”, – diou-y una de les phantasmes por respuesta

“Pero nun ti fharemus nada”. – anhadîu una segunda. “Somus los molineiros ende.”

“Onze soes vòs?”

“Yes el dolze. ¿Cumo te tsames?”

“Krabat. & tu?”, “You sou Tonda, el maîs vieyu. Esti ye Michal, esti Merten, esti Juro. . .

Tonda mentou la riestra de todos eilhos colos nomes; lhôuego dixo-y que yera abondo per wey. “Volvi a dormir, Krabat, inda necesitaràs la fhuerça n esti molin. “Los molineiros txubierun a los sous camastros, el cabeiru apagou l candil – bona nueitsche, & ya roncaben.

P’almorçar axhunctarun-se n quartu los sirvientes. Sentarun-se los dolze arrodiando una mesa madeira lharga, habìa una potada de fharinnes d’avena, comìen da quattro de cada scudielha. Krabat tenìa fhame, arramplou coles fharrapes cumo una raposa n una curripa. El xhantar & la cena complrierun colo que l almuerçu anticipara, & prestou-y.

Tonda, el mas vieyu, yera un rapaz guapu, de pelo trupo & gris cumo l xhielo; pero malamente paecìa tener indagora trenta annos, pola cara. Una gran seriedà disprendìa-se de Tonda, maîs precisamente: de los sous weyos. Krabat infhoutou-se n elhi dende l primer dìe; la sua patschorra & la maneira amigable n que lu tractou lu ganara: “Spero nun te tener assustado de maîs esta nueitsche”, indicou-y Tonda al rapaz: “Non excesivamente”, dixo Krabat. Al ve’ les phantasmes a la lhuz del dìe, yeren rapazos cumo mil outros maîs. Los onze fhalaben wendo & yeren daquè annos maîs vieyos que Krabat.

Quando lu mirarun, nun fhoi sin piedà, cumo elhi pensou que lo sentìa. Surprehendîu-se, pero nun pensou maîs n elho. Lo que y fhizo pensar yera la roupa que incontrara al cabu la cama: fhelpeyos de roupa, pero y quedaba al cuerpu cumo si tuviere sido fheitscho pa elhi. Preguntou-yos a los rapazos d’u sacaran aqueilho & a quien y perteneciera primeiro, pero n fhaziendo la pregunta, los molineiros deixarun que les coyares se fhundieren nes fharinnes & mirarun-lu con tristura:

“Dixi una fatada?” intrugou Krabat.

“Non, non”, dixo Tonda, “Les tues couses… Son del tou predecessor.”

“&?” quixho Krabat saber. “Por que nun sta ya? Terminou les pràctiques?”

“Sì, elhi tien-les … – acabades”, dixo Tonda. La puerta entornou n essi momento. El Maestru introu, entschipou-se, los molineiros amusgarun. “Nun tscharrar!”, dixo, & mirando a Krabat con un weyu solu, aggregou con dureza: “Quien mũîtscho intruga, mũîtscho yerra.- Repiti!”

Krabat tatexou: “Quien mũîtscho intruga, mũîtscho yerra…”

Fhonte:

https://www.dtv.de/_files_media/title_pdf/leseprobe-25281.pdf

Deixar ua Respuosta

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Demudar )

Google+ photo

You are commenting using your Google+ account. Log Out /  Demudar )

Twitter picture

You are commenting using your Twitter account. Log Out /  Demudar )

Facebook photo

You are commenting using your Facebook account. Log Out /  Demudar )

w

Connecting to %s