80 Anhos de Zeca

Audio:
Canta, que naide t'afronta

Mîou ermanu, arrimaho a dous anhos a pueis d’haber ido a saltu, vieno de Francia ende per 1968. Sta eiquí sta a fhazer quarenta anhos. Yera un tiempu n que ls suönyos se dizíen in francés & l mas grande infierno se tyamaba Gerra d’Ultramar, que solo algo a pueis daprendí que yera una gerra colonial. Quien stuviera fhuöra & nun venier a apresentase pa la gerra yera dadu cumo desertor & lhöw presu si attentar a poner pie na suâ tierra. Extranya patria que ãpunctaba ls sous fhiyos pel mundo a saber de la vida & los oblrigaba a venir pa s’intregaren a una gerra que naide intendía pa que servía & de que se scapaba quien podía. Un tiempu de vergonya, assí me lhembro d’él.

Vieno mîou ermanu, & todo quanto trôuxo cun él de Francia fhoi una bicycleta de mudançes, un xhiradiscos & arrimaho a una dozena de discos. Agosto corría, marralheiro, yá cun la trilha fheitscha, & sobraba l tiempu pa ascuîtschar aquelhes modes a que les miês oreyes nunca podieran tyigar. Nin sei cumo l discu nun se gastou d’ascuîtschar tanta vez «Os Vampiros», «Menino do Bairro Negro» & «No lago do Breu», modes d’un tal José Afonso, del que nunca ascuîtschára fhalar. Un díe l discu scachou-se, mas les músiques ya les grabára de les cantar tanta vez. Assí & todo, solo le tornei a ascuîtscha’ la voz ya n 1972, n una Bergança que abafhaba. Un amigu arranxhára un discu tyamahu «Cantigas do Maio»: había que ascuîtschar a les scundides, el son baixiccu pa que nun tyigara a la rue. A pueis, a pueis fhui ta siempre, indagora companyía, nunca cansada, de les lharges viaxhes de Lisboa a Sendin & a Vilha Real.

Mientres speraba ascuîta’ la Grândola Vila Morena, na madrugada l 25 d’Abril de 1974, nel Depósito Geral de Adidos, tenía un nuölo tan fhuörte que nun sabía n que parte l cuörpo se mi diera. A pueis, fhoi un arrevientu, cumo una nuöitsche de fogetes de lhágrimes, cumo si aquel que «Era um Redondo Vocábulo», argolha d’una cadena, s’hôubiera spartiçaho. Solo a pueis d’essa nuöva era lo ascuîtschei cantar algunes vezes de viva vozi fhui conhociendo toda la suâ música per uns lhahos i per outros, ya que nin denheiro tenía pa xhiradiscos & esses couses. Tuvi inda que sperar mũîtscho anho pa axhunctar la collecçon de les suâs músiques, que cuntino a ascuîtschar n una ruödra que vaî demudando.

Cun él tamien daprehendí a dar valor a modes que ascuîtschaba sde pequenhu, anque n mirandes, cumo aquel «Dius te guarde Rosa, / Lindo Çarafin, / Linda pastorica, / Que fazes eiqui?». & d’outras nun fhalo, que gusto mas de ascuîtschar & al mesmu tiempu que ascuîtscho, ir viendo ls cinemas in que ls sones se sroben in drento. Nun sei por que, mas ha hi pallabras, ha hi sones que se vuölven colubrines de cada vez que les ascuîtscho. Nun adelantra una persona querer intender esses cousas, abonda ascuîtschar. & pensar, mas una vez, que ciertes personas nunca s’habíen de morrer.
Un díe, vaî a fhazer venti anhos esti febreiro, staba a ascuîtscha’ l telejornal & ponen aquelha moda d’outonho que manda calhar fhontes & tyorar riveires & todo, «que eu não volto a cantar». Tamien ende yöu le pedí alguna awa a les riveires & me calhei cumo les fhontes. Yera 1986 & la miâ vida staba a dar un vuölcu cumo una campana, nun fhuölgu que inda mal daba senyes d’agarrar un nuövu balance. Nun mi dîou la gana dir al intierru, pa quedar cun la illusion de que nun morriera & nun deixára de se’l que siempre fhuöra, una ambuça de sones que se suörben. Ta hoxhe él contina-mi a cantar, siempre cumo se fhöra la primeira vez. Quando ascuîtscho les suâs modes, mas que de José Afonso, lhembra-se-mi de min. Ye una música que m’imburria a contra min, sde aquel Agosto marralheiro de 1968. Non cun sinhalrdahes, mas cun gana de hoxhe, & de cuntinar a sonyar cun una tierra de fraternidáde. Cun música que fhaiga volar, nin que seya solo a catschiccos, que ye un modo de un nun se sabarrar tanto nels tropieços del camminu.

Transcripçon inter del mirandes

Fhonte:

http://80anosdezeca.blogspot.be/2009/10/texto-escrito-em-mirandes.html

Deixar ua Respuosta

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Demudar )

Google photo

You are commenting using your Google account. Log Out /  Demudar )

Twitter picture

You are commenting using your Twitter account. Log Out /  Demudar )

Facebook photo

You are commenting using your Facebook account. Log Out /  Demudar )

Connecting to %s

This site uses Akismet to reduce spam. Learn how your comment data is processed.