80 Anhos de Zeca

Audio:
Canta, que naide t'affronta

Mîou ermano, arrimaho a dous anhos a puöis d’haber ido a salto, vieno de Francia ende per 1968. Sta eiquí sta a fhazer quarenta anhos. Yera un tiempu n que los suönyos se dizíen in frances & l mas grande infierno se tyamaba Gerra del Ultramar, que solo algo a puöis dapprendí que yera una gerra colonial. Quien stuviera fhuöra & nun veniera a apresentase pa la guerra yera dadu cumo desertor & lhöw presu s’attentara a poner pie na suâ tierra. Extranha patria q’ãpunctaba los sous fhiyos pel mundo a saber de la vida & los oblrigaba a venir pa s’intregaren a una gerra que naide intendía pa que servía & de que se scapaba quien podía. Un tiempu de vergonya, assí me lhembro d’él.

Vieno mîou ermano, & todo quanto trouxo cun él de Francia fhoi una bicycleta de mudançes, un xhiradiscos & arrimaho a una dozena de discos. Agosto corría, marralheiro, ya cun la trilha fheitha, & sobraba l tiempu pa sentir aquelhes modes a que les miês oreyes nunca habíen podido tyegar. Nin sei cumo l discu nun se gastou d’ascuîthalu tanta vez «Os Vampiros», «Menino do Bairro Negro» & «No lago do Breu», modes d’un tal José Afonso, del que nunca sentiera fhalar. Un díe, el discu scatsou-se, mas les músiques ya les había gravaho de les cantar tanta vez. Assí & todo, solo le tornei a senti’ la voz ya n 1972, n una Bergança q’abafhaba. Un amigu había arranxhaho un discu tyamahu «Cantigas do Maio»: había q’ascuîthar a les scondides, el sonidu baxicu pa que nun tyegara a la rua. A puöis, a puöis fhoi até siempre, indagora companyía, nunca cansada, de les lharges viaxhes de Lisboa a Sendin & a Vila-Real.

In quanto speraba ascuîtha’ la Grândola Vila Morena, na madrugada de 25 d’Abril de 1974, nel Depósito Geral de Adidos, tenía un nuölo tan fhuörte que nun sabía n que parte del cuörpu se m’había dado. A puöis, fhoi un arrevientu, cumo una nuöithe de fhogetes de lhágrimes, cumo si aquel que «Era um Redondo Vocábulo», agolha d’una cadena, s’houbiera spartiçaho. Solo a puöis d’essa nuöva era lo ascuîthei cantar algunes vezes de viva voz & fhui coinciendo toda la suâ música per uns lhahos & per outros, ya que nin denheiro tenía pa xhiradiscos & esses couses. Tuvi inda que sperar mũîthu anhu p’axhuncta’ la collecçon de les suês músiques, que contino a ascuîtar n una ruödra que vaî demudando.

Cun él tamien dapprendí a dar valor a modes que sentía sde pequenhu, an que n mirandes, cumo aquel «Dius te guarde Rosa, / Lindo Çarafin, / Linda pastorica, / Que fazes eiqui?». & d’outras nun fhalo, que gusto mas sentir &, al mesmu tiempu q’ascuîtho, ir viendo los cinemas in que los sonidos se sroben in drento. Nun sei por que, mas ha hi pallabras, ha hi sonidos que se vuölven colobrines de cada vez que les siento. Nun adelantra una persona querer intender esses couses, abonda sentir. & pensar, mas una vez, que ciertes persones nunca s’habíen de morrer.

Un díe, vaî a fhazer venti anhos esti febreiro, staba a ve’l telejornal & ponen aquelha moda d’outonho que manda calhar fhontes & tyorar riveires & todo, «que eu não volto a cantar». Tamien ende you le pedi alguna awa a les riveires & me calhei cumo les fhontes. Yera 1986 & la miâ vida staba a dar un vuölcu cumo una campana, nun fhuölgu q’inda mal daba senyes d’agarrar un nuövu balance. Nun mi dîou la gana dir al intierru, pa quedar cun la illusion de que nun s’había muörto & nun deixara de se’l que siempre fhuera, una ambuça de sonidos que se suörben. Até hoxhe él contina-mi a cantar, siempre cumo se fhuöra la primeira vez. Quando siento les suês modes, mas que de José Afonso, lhembra-se-mi de min. Ye una música que m’imburria a contra min, sde aquel Agosto marralheiro de 1968. Non cun soledahes, mas cun gana de hoxhe, & de continar a sonyar cun una tierra de fraternidáde. Cun música que fhaiga volar, nin que seya solo a catsiccos, que ye un modu d’un nun se sabarrar tanto nos tropieços del camminu.

Fhonte:

http://80anosdezeca.blogspot.be/2009/10/texto-escrito-em-mirandes.html

Deixar ua Respuosta

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Demudar )

Google photo

You are commenting using your Google account. Log Out /  Demudar )

Twitter picture

You are commenting using your Twitter account. Log Out /  Demudar )

Facebook photo

You are commenting using your Facebook account. Log Out /  Demudar )

Connecting to %s

This site uses Akismet to reduce spam. Learn how your comment data is processed.